തിരുവനന്തപുരം: കടല്ക്കൊല കേസില് പ്രതികളായ ഇറ്റാലിയന് നാവികരുടെ വിചാരണ കൊല്ലത്ത് നടത്തണമെന്ന് മുഖ്യമന്ത്രി ഉമ്മന് ചാണ്ടി. ഇക്കാര്യം ആവശ്യപ്പെട്ട് അദ്ദേഹം പ്രധാനമന്ത്രിക്ക് കത്തയച്ചു. കടല്ക്കൊല കേസിന്്റെ രേഖകള് കൊല്ലം ജില്ലാ കോടതിയിലാണുള്ളത്. അതിനാല് ജില്ലാ കോടതിയെ പ്രത്യേക കോടതിയായി പരിഗണിച്ച് വിചാരണ ഇവിടെ തന്നെ നടത്തണം.
സാക്ഷികളുടെ തുടരെയുള്ള ദല്ഹി യാത്ര അപ്രായോഗികമാണ്. കൂടാതെ, കുറ്റപത്രം മൊഴിമാറ്റം ചെയ്യുന്നതുള്പ്പെടെയുള്ള കാര്യങ്ങള് വിചാരണ ഇനിയും വൈകിക്കും. ഇതെല്ലാം നീതി തേടുന്നവര്ക്ക് പ്രയാസം സൃഷ്ടിക്കുമെന്നും മുഖ്യമന്ത്രി കത്തില് ചൂണ്ടിക്കാട്ടി.
No comments:
Post a Comment